३
२0७८ असार १५ मंगलवार.jpg)
उदयपुर, असार १५
उदयपुरमा असार १५ गतेको ‘धान दिवस तथा रोपाई महोत्सव’ सदरमुकामनजिकै बहेडवाको चक्लाबन्दी खेतीमा रोपाँई गरेर मनाइएको छ । त्रियुगा नगरपालिका १३ को बहेडवामा रहेको १ सय ५० बिगाह क्षेत्रफल खेतमा सामुहिक रोपाई गरेर दिवस मनाइएको हो ।
त्रियुगा नगरपालिका, कृषि ज्ञान केन्द्र, प्रधानमन्त्री कृषि परियोजना (जोन) र जिल्ला समन्वय समितिको संयृुक्त आयोजनामा सामुहिक रोपाई गरेर दिवस मनाइएको हो । त्रियुगा १३ नंं. की वडाध्यक्ष पशुमति चौधरीका अनुसार रोपाईमा जिल्ला समन्वय प्रमुख खड्ग परियार, त्रियुुगा नगरप्रमुख बलदेव चौधरी, प्रमुख जिल्ला अधिकारी तुलसीराम सेंढाई, कृषि ज्ञानकेन्द्र प्रमुखलगायत सहभागी थिए ।
सदरमुकाममाजस्तै जिल्लाका ८ वटै स्थानीयतहहरुले पनि आआफ्नो तरिकाले सामुहिक रोपाई गरेर दिवस मनाएका छन् । ‘धान उत्पादनमा वृद्धि खाद्य सुरक्षा, आत्मनिर्भरता र समृद्धि भन्ने मूल नाराका साथ दिवस देशभर मनाइदै छ । चालु आर्थिक वर्ष नेपालमा २०७७र७८ मा ५६ लाख २१ हजार मेट्रिक टन धान उत्पादन भएको कृषि विभागले जनाएको छ । उक्त परिमाणको धान देशभरका १४ लाख ७३ हजार हेक्टर क्षेत्रफल खेतमा लगाइएको धानबाट उत्पादन भएको हो ।
