३
२0७८ जेष्ठ २८ शुक्रबार
उदयपुर, जेठ २८
माओबादी मजदुर पार्टी (मामपा)ले सरकारले बजेट वक्तव्यमार्फत ल्याएको नेपालका ढुंगा, गिटी, बालुवा विदेश निकासी गर्ने नीति तथा कार्यक्रमको बिरोध जनाएको छ । पार्टीले भर्खरै विज्ञप्ती प्रकाशित गरी चुरे तथा नदी दोहन गर्ने सरकारी नीति देश बेच्नुसरह भएको भन्दै भत्र्सना गरेको छ ।
ढुंगा, गिटी, बालुवा विदेश निकासी गर्ने सरकारी नीतिले चुरे वन र जंगललाई जोगाउनुको साटो वन क्षेत्र नै भारतलाई बेच्नुसरह भएको भन्दै यो निर्णय सरकारको राष्ट्रघाती कदम उठाएर पैसा कमाउन खोजेको विज्ञप्तीमा उल्लेख छ । विज्ञप्तीमा यसले वातावरण विनाश हुनुका साथै भूकम्प निम्त्याउने तथा देश सिद्ध्याउने खेल भएकोमा पार्टीले गम्भीर निन्दा र भत्र्सना गरिएको छ ।
केन्द्रीय महासचिव हिमालसिंह राईद्वार जारी विज्ञप्तीमा यो राष्ट्रघाती कदम तत्काल रोकेर देश बचाउन पनि सरकारसँग आग्रह गरिएको छ ।
