३
२0७८ जेष्ठ २८ शुक्रबार
उदयपुर, जेठ २८
वल्र्डभिजन इन्टरनेशनल नेपालको आर्थिक सहयोगमा जाल्पा एकीकृत विकास समाज (जीड्स) उदयपुरले ‘सामुदायिक सर्प दंस उपचार केन्द्र’ भुल्केलाई स्वास्थ्य सामग्री प्रदान गरेको छ । कोभिड महामारीका बेला सर्प दंसका बिरामीको उपचारमा खट्ने चिकित्सक टोलीलाई आवश्यक स्वास्थ्य सुरक्षा सामंग्री जिड्सले बिहीबार प्रदान गरेको हो ।
कोविड महामारीमा आफु सुरक्षित रहेर बिरामीको उपचार गर्न नेपाली सेनाको ब्यारेकमा सञ्चालित उपचार केन्द्रलाई ५ सेट पिपिई, २ थान अक्सिमिटर, १० थान फेससिल्ड, १ हजार थान सर्जिकल मास्क, १ सय थान ह्याण्ड ग्लोब्स र ५ लिटर ह्याण्ड स्यानिटाईजर प्रदान गरेको छ ।
करिब २१ हजार १ सय मुल्यबराबरका स्वास्थ्य सामग्री वल्र्डभिजनका प्रतिनिधि आनन्द खड्का, जिड्सका कार्यक्रम संयोजक अजयकुमार साह र गैसस महासंघका अध्यक्ष सुमन परियारसहितको टोलीले उपचार केन्द्र्र व्यवस्थापन समितिका अध्यक्ष ज्ञानबहादुर बस्नेतलाई हस्तान्तरण गरे । सामग्री बुझ्दै अध्यक्ष बस्नेतले कोविड कहरका बेला पनि दैनिकजसो सर्पले टोकेर घाईते बिरामीहरु उपचार गर्न आउने गरेको बताए । कोविड संक्रमणको त्रासबा बीच घाईतेको उपचार गर्न जोखिमपूर्ण अवस्थामा प्राप्त सामग्रीले धेरै सहयोग पुग्ने भन्दै बस्नेतले जिड्स र वल्र्डभिजनलाई धन्यबाद दिए ।
कोविड महामारीको प्रतिकुल समयमा पनि सर्प दंसका बिरामीको उपचारमा सहज बनाउन स्वास्थ्य सामंग्री प्रदान गरिएको जिड्सका अध्यक्ष पुष्पराज पोखरेलले बताए । उनका अनुसार यसअघि जिल्ला कोविड संकट व्यवस्थापन केन्द्र (डिसिसिएमसी) मार्पmत जिल्लाका ८ वटै स्थानीयतह र कोविडविरुद्ध अग्रपंतिमा रहेर खट्ने पत्रकारहरुलाई स्वास्थ्य सामग्री दिइसकिएको छ ।
नेपाली सेनाको १८ नं. बाहिनी अड्डा परिसरमा बिगत ६ वर्षअघि स्थापित उपचार केन्द्रबाट सर्पले डसेर घाईते हुनेहरुलाई अकालमा मर्नबाट बँचाउदै आएको केन्द्र्रका सचिव यदु ढकालले बताएका छन् । जिल्लामा सर्प दंसका घट्ना वर्षेनी बढ्दै गएपछि उपचार केन्द्र स्थापना गरेपछि हरेक बर्खायाममा विषालु सर्पको टोकाईबाट घाईते हुनेको केन्द्रमा उपचार हुँदै आएको छ ।
अहिले पनि दैनिक सरदर ३ जनाको दरले सर्प दंसका बिरामी उपचारार्थ केन्द्रमा आउने गरेको सचिव ढकालले बताएका छन् ।
