३
२0७८ जेष्ठ २७ बिहीबार
उदयपुर, जेठ २७
सदरमुकाम गाईघाटस्थित त्रियुगा माविको ०५१ सालको एसएलसी व्याजी समूहले अक्सिजन प्लान्ट स्थापना गर्न सहयोग गरेको छ । जारी कोविड महामारीबाट बँच्न र बँचाउन अक्सिजन प्लान्ट खोल्न सहयोग अभियान चलाईरहेको बेलका नगरपालिका, उदयपुर कोविड अस्पताल र गाईघाट आँखा अस्पतालस्थित आईसोलेसन सेन्टरलाई नगद र खाद्यान्न सहयोग गरेको हो ।
समूहका सदस्य राजकुमार कोयुका अनुसार कोविड महामारी रोकथाम तथा नियन्त्रण गर्ने उदेश्यले ०५१ सालको एसएलसी व्याजी समूह गठन गरी व्यक्तिगत रकम संकलन गरेको ६५ हजार बराबरको सहयोग गरिएको हो । जस अनुसार समूहले बेलकामा अक्सिजन प्लान्ट खोल्न ३२ हजार ५१ रुपैंया प्रदान गरेको छ भने कोविड अस्प्ताल बेलटारलाई २० हजार मूल्य बराबरको खाद्य सामग्री दिएको कोयुले बताए ।
समूहले बेलटारलाई ७५ किलो चना, ५० किलो मटर र १ सय किलो आलु सहयोग गरेको छ भने गाईघाटस्थित आईसोलेसन सेन्टरलाई १० हजार मूल्य बराबरको पोष्टिक आहार हर्लिकस प्रदान गरेको छ ।
त्यसैगरी त्रियुगा नगरपालिका १० बोक्सेचोकका अति बिपन्न बृद्धबृद्धा दम्पतिलाई औषधि किन्न रकम प्रदान गरेको छ । समूहका सदस्य किसन राईका अनुसार बृद्धबृद्धा मानबहादुर लिम्बु दम्पतिलाई औषधि किन्न भनेर समूहले ५ हजार नगद समूहले प्रदान गरेको हो ।
समूहका अर्का सदस्य सागर नेपालका अनुसार कोविडलगायत बिभिन्न खाले बिपतका बेला सहयोग जुटाउने उदेश्यले ०५१ एसएलसी व्याजीको समूहले थापना गरेको आफ्नै कोषबाट बिभिन्न सामाजिक कार्यहरु गर्दै आएको छ ।
