३
२0७८ जेष्ठ २७ बिहीबार
उदयपुर, जेठ २७
उदयपुरमा पछिल्लो २४ घण्टामा ९१ जना संक्रमित कोविड पचेर निको भएका छन् । यो संख्या अहिलेसम्मकै सबभन्दा बढी हो । पछिल्लो २४ घण्टामा जिल्लामा १४ महिलासहित २१ नयाँ संक्रमित थपिएका छन् । संक्रमितमध्ये १ जना लिमचुङबुङका पुरुष हुन् भने बाँकी सबै त्रियुगा नगरपालिकाका हुन् ।
नयाँ थपसँगै जिल्लामा सक्रीय संक्रमितको संख्या १ हजार ७५ मा झरेको छ । जसमा महिला ५ सय ९१ जना छन् । अघिल्लो दिन महिला ५ सय १७ र बाँकी पुरुष गरी १ हजार १ सय ४५ सक्रीय संक्रमित थिए । संक्रमतिमध्ये त्रियुगाका २ सय ४४ महिलासहित ५ सय ३५ छन् भने कटारीका ५१ महिलासहित १ सय १७, बेलकाका ६१ महिलासहित १ सय २५ र चौदण्डीगढीका ५८ महिलासहित १ सय २३ छन् । त्यस्तै लिमचुङबुङका ३१ महिलासहित ६४, रौतामाईका २७ महिलासहित ५६, उदयपुरगढीका १६ महिलासहित ४४ र ताप्लीका ४ महिलासहित ११ जना संक्रमित उपचाररत छन् ।
जसमध्ये उदयपुर कोविड अस्पताल बेलटारमा २४ महिलासहित ४२ र आँखा अस्पताल गाईघाटको आईसोलेसन सेन्टरमा २ महिलासहित १६ जना उपचारमा छन् । बाँकी संक्रमितहरु धेरैजसो होमआईसोलेसनमा छन् भने कोही धरान र बिराटनगरका बिभिन्न अस्पतालमा उपचार भईरहेको स्वास्थ्य कार्यालय उदयपुरले जनाएको छ ।
हालसम्म निको हुनेहरु त्रियुगाका ८३ महिलासहित २ सय २४ पुगेका छन् भने चौदण्डीगढीका ५८ महिलासहित १ सय ४, बेलकाका ३४ महिलासहित ६३ र कटारीका १४ महिलासहित ३५ जना छन् । त्यस्तै लिमचुङबुङका १८ महिलासहित ३६, रौतामाईका ७ महिलासहित ३६, उदयपुरगढीका ४ महिलासहित ९ र ताप्लीकी १ महिला निको भएका छन् ।
उता उदयपुर कोविड अस्पताल बेलटारमा बिहीबार ५८ महिला र ९५ पुरुष गरी १ सय २२ जनाको एन्टीजेन परीक्षण गर्दा १७ महिलासहित १७ जनामा संक्रमण देखिएको छ । कोविड अस्पतालका फोकलपर्सन तेजबहादुर पोखरेलका अनसार संक्रमितमध्ये २४ महिलासहित ४२ जनाको अस्पतालमा उपचार भईरहेको छ भने ३७ महिलासहित ८१ जना होमआईसोलेसनमा छन् ।
बिहीबार अस्पतालबाट ९ महिलासहित १८ जना निको भएका छन् भने होमआईसोलेसनबाट १३ महिलासहित २७ जना निको भएका छन् । यसरी अस्पतलार होमआईसोलेसन गरी चौदण्डीगढीका २२ महिलासहित ४५ जना निको भएको फोकलपर्सन पोखरेलले बताए ।
यता जिल्ला प्रहरी कार्यालयले बिहीबार पनि निशेधाज्ञा उल्लंघन गर्ने ५१ सवारी साधनमाथि कारबाही गरेको छ भने अनावश्यक बजार हिडडुल गर्ने १ सय २१ जनालाई सम्झाईबुझाई घर पठाएको छ । त्यस्तै बिभिन्न ठाउँमा कोविडविरुद्ध जनचेतनामूलक माईकिङ र प्रचार प्रसार १ सय २७ ठाउँमा गरेको जनाएको छ । प्रहरीका अनुसार बिहीबारसम्ममा जिल्लाका १ हजार ५ सय ७९ जनामा कोविड संक्रमण पुष्टि भएको छ भने मृतक संख्या अघिल्लो दिनकै ४८ जना स्थीर रहेको जिल्ला प्रहरी प्रमुख एसपी भीम दाहालले बताए ।
