३
२0७८ जेष्ठ २२ शनिबार
उदयपुर, जेठ २२
पछिल्लो २४ घण्टामा २४ महिलासहित ५९ जनामा कोविड संक्रमण देखिएको छ । यो सँगै जिल्लामा सक्रीय संक्रमितको संख्या १ हजार १ सय ४२ पुगको छ जसमा महिलाको संख्या ५ सय १५ रहेको छ ।
स्वास्थ्य कार्यालय उदयपुरको अभिलेख अनुसार पछिल्लो २४ घण्टा मा निको हुनेको संख्या २७ पुगेको छ । निको हुने सबै महिला रहेको स्वास्थ्यले जनाएको छ । यो सँगै निको हुनेको संख्या ३ सय ८ पुगेको छ, जसमा महिला १ सय ३१ रहेका छन् ।
अघिल्लो दिन उदयपुरका ३ संक्रमितको बिभिन्न असपतालमा उपचारको क्रममा ज्यान गएको छ । बेलका नगरपालिका ५ का ६० वर्षीय पुरुष, चौदण्डीगढी ६ का ४४ वर्षीय र उदयपुरगढी ३ का ५२ वर्षीय पुरुषको बिराटनगरमा ज्यान गएको स्वास्थ्यले जनाएको छ ।
शनिबार थपिएका संक्रमितहरु त्रियुगाभन्दा बाहिरका भएको स्वास्थ्यको अभिलेखले देखाएको छ । नयाँ संक्रमितहरु बेलका नगरपालिकाका १९ जना छन् भने चौदण्डीगढीका १७, लिमचुङुङका १२ र उदयपुरगढीका ११ जना रहेका छन् । संक्रमितमध्ये महिला २५ जना छन् ।
स्वास्थ्य कार्यालय प्रमुख मोहन सुबेदीका अनुसार हाल त्रियुगा नगरपालिकामा २ सय ३६ महिलासहित ५ सय ३९ सक्रिय संक्रमित छन् । निको हुने त्रियुगाका संक्रमितमा ५३ महिलासहित १ सय ३३ पुगेका छन् । त्रियुुगाका ७ महिलासहित ३३ को मृत्यु भईसकेको छ ।
कटारीमा ५२ महिलासहित १ सय १४ संक्रमित हुँदा ६ महिलासहित १६ जना निको भईसकेका छन् भने १ महिलासहित ३ जनाको ज्यान गएको छ । चौदण्डीगढीमा ६३ महिलासहित १ सय २६ संक्रमित हुँदा ३८ महिलासहित ८९ जना निको भएका छन् भने ३ महिलासहित ८ जनाको ज्यान गएको छ ।
बेलकामा ६७ महिलासहित १ सय ३४ संक्रमित उपचाररत रहँदा २३ महिलासहित ४३ निको भएका छन् भने ३ पुरुषको मृत्यु भएको स्वास्थ्य कार्यालयले जनाएको छ ।
गाउँपालिकातर्फ रौतामाईमा ३१ महिलासहित ८२ उपचाररत रहँदा ३ महिलासहित १० जना निको भएका छन् । १ पुरुषको ज्यान गएको छ । उदयपुरगढीमा ३१ महिलासहित ८२ को उपचार भईरहँदा ३ महिलासहित ६ जना निको भएका छन् भने १ महिलासहित ३ जनाको ज्यान गएको छ । लिमचुङबुङमा ४५ महिलासति ८९ जना संक्रमित हुँदा ४ महिलासहित ९ जना निको भएकोमा १ पुरुषको मृत्यु भएको छ । ताप्लीमा ४ महिलासहित ११ जना संक्रमितको उपचार भईरहेको छ भने एक महिला निको भएको स्वास्थ्यले जनाएको छ ।
जिल्ला प्रहरी कार्यालय उदयपुरका अुनसार उदयपुरमा हालसम्म कोविड भेरिएन्टबाट १ हजार ३ सय ७० जनामा संक्रमण पुष्टि भईसकेको छ । प्रहरीका अनुसार शनिबार ९ सय ३८ जनाको एन्टीजेन र ३ सय ९० को पिसिआर परीक्षण गरिएको छ ।
शनिबार प्रहरीले निशेधाज्ञा अवज्ञा गर्ने ४१ वटा सवारी साधन पक्राउ गरेको छ भने अनावश्यक हिडडुल गर्ने १ सय २ जनालाई सम्झाई बुझाई घर पठाएको प्रहरी प्रमुख एसपी भीमबहादुर दाहालले बताएका छन् । दाहालका अनुसार कोविडका कारण जिल्लामा मृत्यु हुनेको संख्या ४२ पुगेको छ ।
