३
२0७८ जेष्ठ १७ सोमबार
उदयपुर, जेठ १७
कोविड भेरिएन्टको जर्जर अवस्थामा औषधि कालोबजारी गर्ने एक मेडिकल सञ्चालक पक्राउ परेका छन् । मोरङको विराटनगर महानगरपालिका १५ रानीस्थित जनता मेडिकल स्टोरका सञ्चालक सोही ठाउँका ३५ वर्षीय रविकुमार रजक पक्राउ परेका हुन् ।
घरबाट फिजिसिएन स्याम्पसलका औषधि, मुटुसम्बन्धी औषधि, दुखाई कम गर्ने पेनकिलर, एन्टीबायोटिकलगायत औषधि कालोबजारी गर्ने गरेको आरोपमा उनलाई आईतबार दिउँसो साढे १ बजे पक्राउ गरिएको प्रदेश प्रहरी कार्यालय बिराटनगरले जनाएको छ ।
बिभिन्न औषधिलाई नयाँ लेबल लगाएर कालोबजारी गर्ने गरेको विशेष सुचनाका आधारमा जिल्ला प्रहरी कार्यालय मोरङ र इलाका प्रहरी कार्यालय रानीबाट खटेको संयुक्त टोलीले रजकको घरबाट बिभिन्न औषधि कालोबजारी गर्ने गरेको प्रमाण फेला पारेको छ ।
रजकले बिभिन्न खाले औषधि भण्डारण गर्ने र कालोबजारी गरी झुक्याई बिक्री बितरण गर्ने गरेको प्रारम्भिक अनुसन्धानबाट खुलेको छ । उनलाई कालोबजार तथा केही अन्य सामाजिक अपराध तथा सजाय ऐन, २०३२ बमोजिम कारबाही गर्नेगरी थप अनुसन्धान भईरहेको प्रदेश प्रहरीले जनाएको छ ।
