३
२0७८ जेष्ठ १६ आईतवार
उदयपुर, जेठ १६
जारी कोविड भेरिएन्ट महामारीका बिरामीलाई उपचार तथा संभावित संक्रमण रोक्न उदयपुरमा आयुर्वेदिक औषधि निशूल्क बितरण गरिएको छ । नेपाल आयुर्वेदिक औषधि व्यवसायी संघ उदयपुरले बिभिन्न ठाउँमा औषधि बितरण गरेको हो ।
संघले सदरमुकामस्थित कोविड अस्पताल गाईघाट तथा चौदण्डीगढी ६ सातधारे बेलटारस्थित उदयपुर कोविड अस्पतालमा उपचाररत संक्रमितलाई बिभिन्न ५ किसिमका औषधि बितरण गरेको जनाएको छ । संघका पदाधिकारी र चिकित्सक टोली दुवै अस्पताल पुगेर औषधि बितरण गरेको अध्यक्ष ओमरामज लिम्बुले बताए ।
लिम्बुका अनुसार दुवै अस्पताललाई २४ पिसका दरले अश्वगन्धा चुर्ण, १२ पिस तुलसी चिया, १२ पिस क्रकटु चुर्ण, १० पिस गिलोय इम्युनो र १२ पिस सीतापलादी चुर्ण उपलब्ध गराइएको छ । लगभग ५० हजार मूल्यबराबरको औक्षधि बितरण गरेको र यसले संक्रमितलाई उपचार, आत्मबल बढाउन र प्रतिरोधक क्षमता बृद्धि गर्न काम गर्ने लिम्बुले बताए । भाईरस संक्रमित बिरामीलाई आत्मबल बलियो बनाउने तथा प्रतिरोधात्मक क्षमता बृद्धि गर्ने औषधि बितरण गरेको हो ।
दुईसाताअअघि पनि गाईघाट र बेलटारमा ‘इम्युन क्वाथ’ नामक आयुर्वेदिक औषधि निशूल्क बितरण गरिएको थियो । सम्राट आयुर्वेद गाईघाट र धनवन्तरी आयुर्वेद बेलटारले अस्पताललगायत बिभिन्न ६० जना व्यक्तिलाई सो औषधि बितरण गरेको सम्राट आयुर्वेदका सञ्चालक अनिल कटुवालले बताए । उनका अनुसार गुडुची, दालचिनी, ल्वाङ, मरिच, सुकुमेल, तुलसीपत्ता, जेठी मधु, बेसार, अदुवा, बोजो, अश्वगन्धा, पञ्चतुल्ली, अर्जुनघालको धुलो मिलाएर बनाइएको सो चुर्ण कोविडबाट बँच्न उत्तम मानिन्छ ।
विहान बेलुका ५ मिनट उमालेर खाना खानुअघि पिउँदा यसले प्रतिरोधात्मक क्षमता बृद्धि गरेर कोविड लाग्नबाट बँचाउने कटुवाल बताउँछन् । अहिले जारी महामारीमा संक्रमण भएर उपचार गर्नुभन्दा संक्रमण नै हुन नदिनु उत्तम भएकाले आयुर्वेदिक औषधिको प्रयोग गर्न कटुवालले सुझाएका छन् ।
