३
२0७८ जेष्ठ १४ शुक्रबार
उदयपुर, जेठ १४
उदयपुरमा पछिल्लो २४ घण्टामा थप ७८ जना कोविड भेरिएन्टका संक्रमित फेला परेका छन् । ७८ जना नयाँ थपिएसँगै जिल्लामा संक्रमितको संख्या ८ सय ६३ पुगेको छ ।
यसअघिजस्तै सबभन्दा बढी संक्रमित त्रियुगा गनरपालिकाका २४ महिलासहित ७० जना थपिएका छन् । बेलकामा ५, चौदण्डीगढीमा २ र उदयपुरगढी गाउँपालिकामा १ जना थपिएको स्वास्थ्य कार्यालय उयदपुरले जनाएको छ । चौदण्डीगढीको बेलटारस्थित उदयपुर कोविड अस्पतालमा २१ जनाको स्वाव परीक्षण गरिएकोमा ५ महिलासहित १० जनामा संक्रमण पुष्टि भएको छ । उनीहरुलाई होमआईसोलेसनमै रहेको अस्पताल इन्चार्ज तेजबहादुर पोखरेलले बताएका छन् ।
शुक्रबारसम्मको तथ्यांक अनुसार १४ महिलासहित ३१ जना निको भएर घर फर्केका छन् । यो सहित निको हुनेको संख्या जिल्लामा २ सय ८ पुगेको स्वास्थ्यका तथ्यांक अधिकृत उमेश लुईटेलले बताए । उनका अनुसार निको हुनेमा त्रियुगामा ३२ महिलासहित ९३ जना छन् भने चौदण्डीगढीमा २१ महिलासहित ४७ जना छन् । त्यस्तै बेलकामा २२ महिलासहित ४१ र कटारीमा ६ महिलासहित १६ जना रहेका छन् ।
त्यस्तै लिमचुङबुङमा ४ महिलासहित ८ जना, रौतामाईमा १ महिलासहित ७, उदयपुरगढीमा ३ महिलासहित ५ र ताप्लीमा एक मात्र संक्रमित महिला निको भएर घर फर्केको स्वास्थ्य कार्यालयका तथ्यांक अधिकृत उमेश लुईटेलले बताए । हाल जिल्लाभरी ८ सय ६३ सक्रीय संक्रमित बिभिन्न अस्पतालमा उपचाररत रहेका छन् ।
त्रियुगाका २ सय १ महिलासहित ४ सय ४७ रहेका छन् भने चौदण्डीगढीका ४९ महिलासहित १ सय, कटारीका ४० महिलासहित ९३ र बेलकाका ३६ महिलासहित ७० जना उपचाररत छन् । लिमचुङबुङका २६ महिलासहित ५१, रौतामाईका २३ महिलासहित ७० र उदयपुरगढीका १० महिलासहित ३१ जनाको बिभिन्न अस्पताल तथा होमआईसोलेसनमा उपचाररत रहेको बताइएको छ ।
शुक्रबार पनि उदयपुरका एक संक्रमितको ज्यान गएको छ । त्रियुगा २ का ६३ वर्षीय पुरुषका मृत्यु भएको लुईटेलले बताए । यो सँगै जिल्लामा कोविडका कारण ज्यान गुमाउनेको संख्या १० महिलासहित ३१ पुगेको छ ।
