३
२0७८ बैशाख २९ बुधबार
उदयपुर, वैशाख २९
दिनहुँजसो बढ्दो क्रममा रहेको कोविड १९ का संक्रमित आज उदयपुरमा ३२ थपिएका छन् । जिल्ला स्वास्थ्य कार्यालय उदयपुरमा अनुसार बुधबार आएको रिपोर्टमा १२ महिला र २० पुरुष संक्रमित थपिएका हुन् । बुधबार थपिनेमा त्रियुगा नगरपालिकाका ५ महिलासहित १५, कटारी ६ महिलासहित १५ जना छन् भने उदयपुरगढी गाउसँपालिकाकी एक महिला रहेका छन् ।
बुधबार थपिएकासहित उदयुरमा संक्रमतिको संख्या १ सय १८ महिला र १ सय ६१ पुरुषसहित २ सय ६९ पुगेको छ । कोविडका कारण उदयपुरमा ७ जनाको मृत्यु भईसकेको छ । उदयपुरकै एक सरकारी कार्यालय प्रमुखको पनि मृत्यु भएको तर, उनी सिराहाका बासिन्दा रहेको स्वास्थ्य कार्यालयले जनाएको छ ।
