३
२0७८ बैशाख २२ बुधबार
उदयपुर, वैशाख २२
सामान्य बिबादका कारण हातपात गर्दा भाईको मृत्यु भएपछि उदयपुरमा एक स्थानीय हत्या आरोपमा पक्राउ परेका छन् । गत सोमबार सामान्य घरासयी बिबादमा कुटपिट गर्दा भाई ३६ वर्षीय खुसीलाल चौधरीको मृत्यु भएपछि ५० वर्षीय दाजु पुलकित चौधरी पक्राउ परेका हुन् ।
त्रियुगा नगरपालिका ९ चौकीबारीका चौधरी दाजुभाईबीच बिबाद हुँदा दाजु पुलकितले भाईमाथि कुटपिट गरेका थिए । कुटपिटबाट घाईते खुसीलालको बिराटनगरस्थित गोल्डेन अस्प्तालमा उपचारको क्रममा बुधबार मध्यान्ह ज्यान गएको प्रहरीले जनाएको छ ।
सोमबार सामान्य बिबाद भएपछि पुलकितले भाई खुसीलालमाथि हातपात गरेका थिए । दाजुको कुटपिटबाट घाईते खुसीलालको स्वास्थ्य अवस्था गम्भीर भएको भन्दै आफन्तले जाहेरी दिएपछि अस्थायी प्रहरी चौकी चुहाडेले बुधबार विहान चौधरीलाई उपचारार्थ जिल्ला अस्पताल उदयपुर ल्याएको थियो ।
थप उपचारका लागि बिराटनगर रिफर गरिएका चौधरीको मध्यान्ह १२ः०० बजे गोल्डेन अस्पतालमा मृत्यु भएको प्रहरीले जनाएको छ । दाज पुलकितलाई प्रहरीले नियन्त्रणमा लिएर आवश्यक अनुसन्धान सुरु गरेको जिल्ला प्रहरी कार्यालय उदयपुरले जनाएको छ ।
