३
२0७७ फाल्गुन ११ मंगलवार
उदयपुर, फागुन ११
उदयपुरको कटारी नगरपालिकाका एक युवक प्रतिबन्धित लागुपदार्थक खैरो हिराईन (ब्राउनसगर) सहित पक्राउ परेका छन् । कटारी नगरपािलका ७ तकियाका २१ वर्षीय रुपेश फुयाल खैरो हिरोईनसहित विराटनगरबाट पक्राउ परेका हुन् ।
सोमबार दिउसो ३ः०० बजे विराटनगर महानगरपालिका १६ दुर्गा मन्दिरबाट फुयाल पक्राउ परेको प्रदेश प्रहरी कार्यालय विराटनगरले जनाएको छ । आफैले चलाईरहेको को २ ह ३७२९ नम्बरको टेम्पोमा लागुऔषध व्युरो विराटनगरेको टोलीले चेकजाँच गर्दा टेम्पोको फुडब्रेकको म्याट्रिसमुनी लुकाईराखेको ३ ग्राम ९४० मिलिग्राम खैरो हिरोईन फेला पारेर नियन्त्रणमा लिएको हो ।
लागुऔषध र टेम्पोसहित फुयाललाई नियन्त्रणमा लिएर इलाका प्रहरी कार्यालय रानीले आवश्यक कारबाही प्रक्रिया अघि बढाएको प्रदेश प्रहरी कार्यालयले जनाएको छ ।
