३
२0७७ मंसिर २८ आईतवार
बेलटार
आईतबार दिउँसो दुई मोटरसाईकल एकापसमा ठोक्किएर दुर्घटना हुँदा एक चालकको ज्यान गएको छ । अर्काे मोटरसाईकल चालक र पछाडि सवार महिला घाईते भएका छन् ।
मदन भण्डारी लोकमार्ग अन्तर्गत जिल्लाको चौदण्डीगढी नगरपालिका ६ सातधारेमा दिउँसो २ः२५ बजे पूर्वबाट पश्चिमतर्फ जाँदै गर्दा प्रदेश नं. १–०५–००१ प १८५० नं. को मोटरसाईकल विपरित दिसाबाट आउँदै गरेको स ६ प ९१०१ नम्बरको मोटरसाईकल ठोक्किदा त्यसका चालक २० वर्षीय भविन्द्र परियारको निधन भएको प्रहरीले जनाएको छ । दुर्घटनामा परी गम्भीर घाईते भएका परियारको उपचारको क्रममा बिपी स्वास्थ्य विज्ञान प्रतिष्ठान धरानमा साँझ ५ः२५ बजे ज्यान गएको जिल्ला प्रहरी कार्यालय उदयपुरले जनाएको छ ।
परियार स्थायी घर खोटाङको हलेसी तुवाचुङ नगरपालिका च्यास्मीटार भई हाल उदयपुरको त्रियुगा नगरपालिका ११ गाईघाट बस्दै आएको बताइएको छ । दुर्घटनामा अर्को मोटरसाईकल चालक खोटाङ बाराहपोखरी गाउँपालिका ४ का २९ वर्षीय दिवस राई गम्भीर घाक्षर््ते भएका छन् भने पछाडि सवार सोही ठाउँकी २५ वर्षीया साधना राई सामान्य घाईते छिन् ।
गम्भीर घाईते दिवसको पनि बिपीमै उपचार भईरहेको छ भने साधनाको चौदण्डीगढी ६ बेलटारकै प्राथमिक स्वास्थ्य केन्द्रमा उपचार भईरहेको इलाका प्रहरी कार्यालय बेलटारले जनाएको छ । इप्रका बेलटारले दुवै मोटरसाईकल नियन्त्रणमा लिएर अनुुसन्धान अघि बढाएको जिल्ला प्रहरी प्रवक्ता डिएसपी बेदप्रसाद गौतमले बताए ।
