४
२0७७ मंसिर ८ सोमबार
सोलुखुम्बु
सोलुखुम्बुको पासाङल्हामु गाउँपालिका(३ स्थित एक होटलमा आगालगी हुँदा २ करोड हाराहारीको क्षति भएको छ । स्थानीय सोनाम शेर्पाले सञ्चालन गरेको यती माउन्टेन होम होटलमा आगलागी हुँदा २ तले पक्की घर र त्यसभित्र रहेका सम्पूर्ण धनसम्पत्ति नष्ट भएको प्रहरीले जनाएको छ ।
सोलु प्रहरीलाई उद्धृत गर्दै प्रदेश प्रहरी कार्यालय विराटनगरले जनाए अनुसार आईतवार बिहान ९ः०० बजे बिद्युत सर्ट भई अचानक भएको आगलागीले होटल जलेर नष्ट हुँदा २ करोड बराबरको क्षति भएको छ ।
होटलमा लागेको आगो नियन्त्रण गर्न स्थानीयबासी र इलाका प्रहरी कार्यालय लुक्लाबाट खटेको प्रहरी टोली तथा नेपाली सेनासमेतको सहयोगमा ६ घण्टापछि दिउँसो २ः०० बजे लागेको थियो । आगलागीबाट मानवीय क्षति भने नभएको प्रहरीले जनाएको छ ।
